Aretan isurketa berria salatu dute ibaian

Atzo 20:00ak aldera gertatu zen isurketa berria Nerbioi ibaian. Aretan izan zen, "eraikin arrosaren" aurrean, hain zuzen.

Aretako bizilagun batek sare sozialetan salatu zuen atzo isurketa berria gertatu dela Nerbioi ibaian. Argazkiak eta hemen goian ikusi daitekeen bideoa jaso zituen kutsadura kasua erakusteko.

Herritarrak jakinarazi du 20:00ak aldera gertatu zela isurketa. Hain zuzen, "eraikin arrosaren" aurrean dagoen hodi batetik atera zen likidoa.

Udan hiltegia ixteari ekin zion Laudioko Udalak, URAren partetik isurketak egiteko debekua jaso ostean eta fiskaltzak azpiegitura ikertzen hasteko agindua eman ondoren.

Berez, atzo isurketa eragin zuen hodia hiltegitik oso gertu dago, baina ibaiaren ibilbideari dagokionez, metro batzuk aurrerago kokatzen da.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide