aiaraldea.eus

Elkartea sortu dute Laudion, udalak igogailuen arautegia aldatu dezan

Erabiltzailearen aurpegia Aitor Aspuru Saez   Jendartea  Laudio

Laudioko zenbait herritar eta auzokide batu dira VANAEL sortzeko. Plataformak adierazi du bere helburua dela igogailuen araudia aldatzea.

Elkartea sortu dute Laudion, udalak igogailuen arautegia aldatu dezan
Laudioko udalerrian dagoen igogailu bat. / Aiaraldea.eus | Ikusi handiago | Argazki originala

VANAEL elkarteak oharra zabaldu du jakinarazteko ekimenak bultzatuko dituela, Laudioko Udalak aldaketak egin ditzan igogailuen arautegian.

Berez, plataforma osatzen duten lagunek modu positiboan baloratzen dute egungo araudiak jende nagusiaren irisgarritasuna bermatzea etxebizitza zaharretan. Hala ere, VANAELen ustez, Eusko Jaurlaritzak ahalbidetzen dituen beste alternatiba batzuk ez ditu baimentzen herriko araudiak, eta horrek, aldi berean, inolako igogailurik ez jartzea eragiten du.

Horren aurrean, mozioa aurkeztuko dute udalbatzan, 2012ko araudia aldatzeko. Horrez gain, plataformaren asmoa da indarrak batzea eta beste kaltetuekin harremanetan jartzea.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa