Aspaldi iragarri arren, bart ezin izan dute trenbide gainean dagoen zubia kendu. Kalkulu akats baten ondorioz, operazioa gelditu behar izan dute, garabia eta zubia erortzeko arriskuan omen zeuden.
Goizeko ordu txikitan, 03:45ak aldera, zubi alboan dagoen etxebizitza hustu behar izan dute, eta bizilagunak Zubiko Etxean babestu dira. 60 pertsona inguruk eman dute han gaua.
Printzipioz, gauez soilik egin behar zen tren trafikoa etenda, baina gertatutakoaren ondorioz, Ugao eta Amurrio artean Renfeko zerbitzua bertan behera geratu da, baita merkantzien garraioa ere. Gabezia horri aurre egiteko autobus zerbitzua prestatu dute.
Langileek zubia soldatu dute berriro eta teknikariek baloratu dute zer egin. Antza, bi garabi gehiagok lagunduko dute azpiegitura egonkortzen eta gauean berriro saiatuko dira erretiratzen azpiegitura.
Argazkiak: Aitor Aspuru eta Laudioko Prentsa Zerbitzua
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide