Laudioko Galiziar Etxeak 50 urte bete ditu 2019. urtean eta ospakizun hori beste birekin batu ditu. Alde batetik, Magosto jaia antolatu dute. Gainera, Orquesta Compostela gonbidatu dute, taldeak 100 urte bete baititu aurten.
Berez, orkestrak ekitaldi hunkigarrian parte hartuko du larunbatean, 10:30ean Urduñako mendatean omenduko baitituzte 1962an hildako hiru musikari eta soinu teknikaria.
Zehazki, urte horretako udan Orquesta Compostelako autobusak istripua izan zuen errepidetik atera eta gero, eta, ondorioz, lau taldekide zendu ziren: Paulino Prado, José Casal, Jesús Sánchez eta Juan Hernández.
Urduñako herritarrek laguntza handia eskaini zieten zaurituei eta, hori dela medio, orkestrak zenbait aldiz jo zuen doan udalerrian.
Egitaraua
Aipatutako ekitaldiaz gain, egitarau opaoa prestatu du Galiziar Etxeak eta Magostoa -gaztainari lotutako ospakizuna- eta azoka xacobea ospatuko dute batera Aldai -umeentzako jarduerekin-, Herriko eta Alberto Acero plazetan, baita herrigunean ere. Gauzak horrela, egitarau osoa hurrengoa izango da:
Ostirala
17:00 // Kalejira eta azokaren irekiera
17:45 // Hegazti harraparien erakustaldia
18:00 // Hegaldun ziklopea. Adarbakar magikoa
19:30 // Hegazti harraparien erakustaldia
20:00 // Antzerkia: Gudarien klana
21:00 // Orquesta Compostela
Larunbata
10:30 // Azokaren irekiera
11:00 // Hegazti harraparien erakustaldia
12:00 // Panelo Circus Show eta gaitapoteoa Faiscas de Pontraga eta Espalladoiro taldeekin
12:30 // Xiribairekin kalejira, antzerkia
13:00 // Orquesta Compostela
13:30 //Panelo Circus Show eta hegaztien erakustaldia
14:00 // Espalladoiro talderakin bazkaria
17:00 // Panelo Circus Show, hegaztien erakustaldia eta gaitapoteoa Faiscas de Pontragarekin
17:30 // Kalejira
18:00 // Hegazti harraparien erakustaldia eta Kike Estevez eta Lupe Blanco regueifeiroen -bertsolari galiziarrak- erakustaldia, Alberto Acero plazan
19:00 // Noites de Rock e Meigas
19:30 // kalejira dantzari eta suzko eta aiztoen malabareekin
20:00 // Panelo Circus Show
21:00 // Orquesta Compostela
00:00 // Queimada
Igandea
11:00 // Azokaren irekiera
11:30 // Panelo Circus Show
12:00 // Santa Lucia Abesbatzaren kontzertua
12:15 // Kuruma haranen gudarien erregina
12:30 // Hegazti harraparien erakustaldia
13:00 // Panelo Circus Show
13:30 // Espalladoiro
14:00 // Hegazti harraparien erakustaldia
17:00 // Gudarien klana antzezlana
17:30 // Hegaldun ziklopea
18:00 // Hegazti harraparien erakustaldia
19:00 // kalejira dantzari eta suzko eta aiztoen malabareekin
21:30 // Jaiaren amaiera