Bi zauritu bi ibilgailuren arteko talkaren ondorioz

Erredakzioa 2019ko azaroaren 14a

Suhiltzaileek gidarietako bat erreskatatu behar izan dute, ibilgailuaren barruan harrapatuta zegoelako. / Arabako Foru Suhiltzaileak

Galdakaoko ospitalera eraman dituzte bi zaurituak. Trafikoa berrezarrita dago dagoeneko, baina motel doa, errail bakarra erabiltzen ari direlako momentuz.

Istripua gertatu da gaur eguerdian Laudion, A-625 errepidean. Opel markako furgoneta batek eta turismo mini batek elkarren aurka egin dute talka 12:50ak aldera.

Bi ibilgailuetako gidariak zauritu dira ezbeharraren ondorioz. Suhiltzaileek atera behar izan dute horietako bat. 54 eta 59 urteko bi gizonezko dira eta Galdakaoko ospitalera eraman dituzte artatzera.

Trafikoa moztuta egon da orain arte. Ertzaintzak Laudioko herrigunera bideratu du trafikoa, harik eta 13:25ak aldera norabidetako bat libratu ahal izan duten arte.

Bi ibilgailuak kendu egin dituzte dagoeneko, eta bidea garbitzen ari dira obra arduradunak.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide