25 lanpostuko lan-eskaintza publikoa egingo du Laudioko Udalak hurrengo urtean

Aitor Aspuru Saez 2019ko azaroaren 15a
Deskargatu Info Ahotsak :

2020an egin nahi dute lan-eskaintza publikoa. / Aiaraldea.eus

Laudioko Udalak behin-behineko kontratu kopurua murriztu nahi du langile publikoen artean, orain %47koa baita.

Laudioko Udalak prentsaurrekoa egin du gaur adierazteko oposizioari eta sindikatuei jakinarazi diela 25 lanpostuko lan-eskaintza publikoa egin nahi duela 2020an.

Oraindik udal langile ordezkariekin eta gainerako taldeekin negoziatu behar badute ere, gobernu taldearen asmoa da hurrengo plazak betetzeko prozesua abiatzea:

  • 5 administrari
  • 4 teknikari
  • 2 zerbitzu arduradun
  • 5 peoi espezialista
  • 3 ofizial udal brigadan
  • 4 langile laguntzaile
  • 2 udaltzain

Horrekin udal langileen behin-behineko kontratu kopurua %30era murriztu nahi dute, %47koa baita orain. Hori bai, interesdunek ezingo dute izena eman plaza guztietan, batzuk barne sustapenerakoak baitira. Urtarrilean argitaratuko dute deialdia.

Alkateak azaldu du hurrengo urteetan ere horrelako deialdiak egitea dela udal gobernu taldearen helburua, 1983an plaza eskuratu zuten langile publiko ugarik hartuko baitute erretiroa laster. Ander Añibarro alkateak azpimarratu du udal zerbitzu egokiak izateko, ezinbestekoa dela enplegua egonkortzea.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide