Laudioko Udal Gobernuaren aurrekontu zirriborroan moldaketak proposatu ditu Omniak

Omniako kideak, artxibo irudi batean. / Omnia

Aurkeztutako moldaketek 795.000 euroko kostua izango lukete guztira, oposizioko alderdiaren arabera. Hala ere, "aurrezki eta diru-sarrerak" lortzeko ariketa ere egin dutela diote.

Omniak 795.000 eurotan baloratutako aldaketak proposatu ditu Laudioko Udal Gobernuak erakutsitako 2020ko aurrekontuen zirriborroarekiko. Oposizioko talde politikoak ohar batean azaldu duenez, proposamen berri horien bitartez “gastuak” eta “aurrezki eta diru-sarrera” berriak lortzeko bideak aurkezten dira.

Aipatutako neurrien artean, “lanbide eta ekintzailetzaren promoziorako” 100.000 euroko diru-partida bideratzea eskatu du Omniak. Arlo sozialean “zaharkitze plan aktibo bat bultzatzea, jubilatuen klubean erreformak egitea eta zine baterako kokalekua bilatzea” nahi du taldeak; baita Virgen del Carmenen umeentzako parke bat sortzea ere.

Merkataritzaren arloan, Apill-i komertzio aholkularitza egitea eta tokiko ekoizle eta saltokietara bideratutako interneten bidezko merkatua sortzea eskatzen du alderdiak. Kirolari dagokionez, eskubaloi, futbol sala eta hockey pista konpontzea proposatu du Omniak, baita Gardeako frontoia teniseko jarduerara moldatzeko erreformak egitea eta “pumptruck” zonalde bat sortzea ere. Gainera, Latiorron bigarren kiroldegi bat sortzeko ideia luzatu dute, San Martinen alboan.

Bestalde, Laudioko udalerriko aplikazio digital baten sorrera ere eskatu du taldeak, “laudioarren sarbidea errazteko”. Industriara bideratutako sareko estrategien sorrera ere bultzatu nahi ditu alderdi laudioarrak. Diru-laguntzen banaketarako “irizpide-objektiboen” aldeko apustua ere egin nahi du, “proportzionalagoak” izan daitezen. Osasunari dagokionez, eraikuntza publiko guztietatik amiantoa kentzea eskatu du Omniak, eta diru-laguntzak ematea eraikuntza pribatuetatik kentzeko.

Azkenik, neurri ugari proposatu ditu Omniak hirigintza arloan: herri osoa konektatzeko bidegorrien sorkuntzarako ikerketa bat eratzea, “kolesterolaren bidean” bankuak jartzea, iturriak eta bainugela publikoak eraikitzea, Santa Cruz zubiaren konpontzea, txakurren aisialdirako zonalde bat sortzea, Gardeagotxiko tunelen uholdeei aurre egin ahal izateko ikerketa bat egitea, Aiarako Kuadrillako egoitzaren kokapenerako exekuzio proiektu bat erredaktatzea, “ingurumena hobetzeko parte hartze prozesua” martxan jartzeko diru-partida bideratzea, Biarritz tabernaren eta tren-geltokiaren arteko zentzu bakarreko bidearen irekitzea eta diru -partida bat bideratzea hiri-antolamendurako plan orokor bat egiteko beste parte hartze prozesu batera.

Udalaren erantzuna
Udal Gobernuak, bere partetik, Omniak eta EH Bilduk proposatutako aldaketak “banan banan” ikertu dituela jakinarazi du, "horietako batzuk" behin betiko aurrekontuetan txertatzeko. Hala ere, talde politiko bakoitzarekin “pertsonalki” komentatuko dituzte neurriak, abenduko lehen astean burutuko den Ezohiko Udal Osoko Bilkuran eztabaidatu baino lehen.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide