Unai Albizua UCAM Murciara bueltatuko da denboraldi amaierara arte

Erredakzioa 2019ko aza. 29a, 07:00
UCAMen koloreak jantziko ditu Albizuak. / UCAM Murcia

Unai Albizua futbolari laudioarrak UCAM Murcia taldearekin sinatu berri du denboraldi amaierara arte.

Albizuak bigarren aldiz jokatuko du Murtziako taldean, 2016/17 denboraldian, taldea bigarren mailan zegoela, 39 partidu titular bezala jokatu eta gero. Tartean, Cultural Leonesan eta Ibizan ibili da atzelari gisa. Igandean egin ahalko luke debuta bere afizioaren aurrean, UCAMek Talavera de la Reinaren kontra izango duen norgehiagokan.

Jokalariak ziurtatu du Murtziara itzultzea etxera itzultzea bezalakoa dela: "Ezagutzen dudan kluba da eta beti jendearen maitasuna sentitu dut. Nahiz eta aurreko esperientzian helburua ez lortu, zoriontsu sentitu nintzen. Denboraldi horretan lortu nuen errendimendua berreskuratzea gustatuko litzaidake eta taldearekin berriro bigarren mailara bueltatzea."

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide