Mikel Ayllon idazle laudioarrak kontakizun laburra argitaratuko du Alea aldizkariaren edizio berezian

Mikel Ayllon artxiboko irudi batean. / Aiaraldea.eus

Lexuri Ugarte laudioarrak aldizkariko kontakizunen irakurketa publikoan parte hartuko du, Arabako Foru Aldundiko euskara eta gobernu irekiaren zuzendaria baita.

Mikel Ayllon idazle laudioarrak kontakizun laburra plazaratuko du Alean. Aldizkariak Euskararen Nazioarteko Eguna dela eta plazaratuko duen edizio berezi batean, hain zuzen. Beste sei idazle arabarrek propio sortutako kontakizun laburrak ere bilduko ditu Aleak: Iban Zalduarena, Karmele Jaiorena, Beñat Goitiarena, Elisa Euedarena, Edu Zelaietarena eta Katixa Agirrerena.

Kontakizun horien irakurraldia gaur, abenduak 3, egingo da, hamalau pertsonen eskutik. Lexuri Ugarte laudioarra egongo da tartean, Arabako Foru Aldundiako euskara eta gobernu irekiaren zuzendaria baita.

Besteak beste, Gasteizko alkateak, Gorka Urtaranek, Oier Zeharra pilotariak, Itziar Rekalde ipuin kontalariak eta Miren Narbaiza abeslariak irakurriko dute.

Alearen zenbaki berezi hori harpidedun guztien etxeetan banatuko da, ohi bezala, baina, edizio berezia izanik, doako 15.000 ale banatuko dira Araba osoan.

Alearen zuzendariak, Aritz Martinez de Lunak, adierazi duenez, "Arabako kultur sorkuntzaren balioa azpimarratu eta kolaborazioan oinarritutako lanaren emaitzen oparotasuna irudikatzea” izan da ekimenaren helburua.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide