Laudioko PSE-EEk prentsa oharra plazaratu du gaur onartutako udal aurrekontuen balorazioa egiteko. Juanje Merchan zinegotziak nabarmendu du honakoa izan dela aurrekontuak "udal-hauteskundeak egin diren urte berean" onartu diren lehen aldia duela 30 urtetik.
Udal gobernuko kideak nabarmendu du aurrekontuek oposizioaren zein auzokideen ekarpenak barne hartzen dituztela, herritarren iradokizunak 200.000 euroren bidez jaso dituztela argudiatuta.
Era berean, jeltzale eta sozialisten arteko adostasuna jarri du balioan Merchanek, herrian "elkar-ulertzearen eta akordioaren kultura" falta zirelako.
Gauzak hala, aurrekontuen onarpena "garai berri baten hasiera" dakarrela uste du zinegotziak, "iragan legealdian zegoen proiektuak aurrera ateratzeko gaitasun faltatik eraginkortasun eta elkar-ulertze garai berri batera".
Horrez gain, PSE-EE "sinisgarri, erabilgarri eta beharrezkoa" bihurtu dela uste du Merchanek, "egonkortasun instituzionala" eskaintzen duelako, "interes orokorra begiratuta".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
