Kultur sorkuntza Aiaraldean

“Sentipenak askatu” diskoa aurkeztuko du Yogurinha Borovak Durangoko Azokan

Txabi Alvarado Bañares 2019ko abe. 5a, 17:58

Gaur hasi da Durangoko Azoka. / D.A.

Urtzi Odriozolak ere tailer eta hitzaldiak dinamizatuko ditu, Game Erauntsiako kide gisa.

Gaur hasi da Durangoko Azokaren 54. edizioa. Igandera arte luzatuko da Euskal Herriko argitaletxe eta sortzaileen topalekua. Bertan egongo da Yogurinha Borova, “Sentipenak askatu” lanarekin.

Izen bereko abestiaren bost bertsio biltzen ditu lanak. “Bertsio ezberdin horiek islatu nahi genuen aniztasunaren adierazle dira. Honela, sentimentu bakar bat azaleratzeko hamaika era ezberdin daudela adierazi nahi genuen”, azaldu du artista laudioarrak.

Bere hitzetan, “aniztasun afektiboaren gaia haurren errealitatera gerturatzea” izan dute xede, gai horri lotutako “erreferente berriak” sortzeko.

Ahotsenean gunean aurkeztuko du musikariak lan hori, larunbatean 14:30ean. Hori baino lehen
diskoak sinatzen egongo da artista laudioarra 13:00etatik 14:00etara, Gor disketxearen postuan.

Game Erauntsia
Urtzi Odriozola ere bertan egongo da, Game Erauntsiak egun osoko hitzaldi eta tailerrak egingo baititu Landako gunean.

Autobusak
Azokara gerturatzeko autobusa aterako da Amurriotik bihar, abenduak 6. 10:15ean abiatuko da Telefonica paretik. 21:00etan edo 2:30ean itzultzeko aukera eskainiko diete bidaiarei. Kultura etxean eskuratu daitezke tiketak.

Kultura Laudio

Erlazionatuak

Komunitatea

[INKESTA] Durangoko Azokara gerturatzeko asmoa duzu?

Erabiltzailearen aurpegia admin 2019 abe 05 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide