aiaraldea.eus

Udal Gobernu Taldeak Wi-Fi guneak ezarri eta liburutegi berria ireki nahi ditu 2020an

Erabiltzailearen aurpegia Aitor Aspuru Saez   Politika  Laudio

Laudioko Udal Gobernu Taldeak agerraldia egin zuen atzo 2020an gauzatu nahi dituen egitasmoak azaltzeko. Besteak beste, honakoa egin nahi du: liburutegi berria ireki Lamuza Parkeko Frontoi Etxean -lehen Musika Etxea deiturikoa- eta Españica etxea bota.

Udal Gobernu Taldeak Wi-Fi guneak ezarri eta liburutegi berria ireki nahi ditu 2020an
Atzoko agerraldiaren irudia. / Aiaraldea.eus | Ikusi handiago | Argazki originala

Laudioko EAJk eta PSE-EEk atzo aurkeztu zuten 2020ko Plan Operatiboa. Ander Añibarrok azaldu zuen plana hurrengo urterako erreferentea izango dela ordezkari politiko zein udal langileentzat. Juanje Merchan sozialistak, ordea, nabarmendu zuen sail bakoitzaren helburua zehaztu dutela dokumentuan.

Ander Larrinaga alkateordeak deskribatu zituen planaren nondik norakoak: "4 urterako 129 lan ildo daudela esan genuen. Plan Operatiboarekin urtero zatituko ditugu helburu horietan egin beharrekoak eta urte bakoitzean egongo den betetze maila ehunekotan neurtuko dugu, herritarrek kargu har diezaguten".

Gauzak horrela, Laudioko Udalak dozenaka helburu izango ditu, baina nabarmentzekoak hurrengoak dira:

  • Wi-Fi zerbitzua jartzea leku publikoetan
  • Liburutegia eta ikasketa gelak jartzea Frontoi Etxean
  • Españica etxea eraistea
  • Alberto Acero plazaren erabilera arautzea
  • Auzoen garapena planifikatzea, parte hartzerako prozesu luze baten bitartez
  • Arrañoko aisialdi eremua eraikitzea
  • Terrazen araudi berria erredaktatzea
  • Diru-laguntzak jasotzeko prozedura erraztea
  • Laudioko euskarazko hitzen hiztegia sortzea
  • Sanrokezarreko egoitza hobetzea
  • Jende nagusirako bulegoa irekitzea, zerbitzu guztien informazioa batuta
  • IV. Berdintasun Plana egitea
  • II. Gazte Plana burutzea
  • 20 lanpostu betetzeko lan publikoko deialdia deitzea

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa