Laudioko Ugarteko ur depositua konponduko da 2020an, 128.291,84 euroko obra dela medio. Gehienez, obrak lau hilabeteko iraupena izan ahalko du. Aipatu beharra dago eraiki zenetik deposituak ez duela inolako moldapenik izan, hots, 32 urte inguru igaro dira inolako berrikuntzarik izan gabe.
Proiektuaren memorian adierazi bezala, deposituaren “egokitzapen orokorra; porlanezko estrukturen konponketa; itxiera perimetrala; uraren zirkulazio egokirako mekanismoen eta tutueriaren instalazioa; klorazio tresneriaren eta etengabeko kloro analizatzaileen jartzea; eta altuera berdinean edo altuago dauden etxeak hornitu ahal izateko presio mekanismoaren ipintzea” egingo dira obran zehar.
Horrela, emandako uraren kalitatea hobetzea espero du udalak, baita inbertsio kostuen beheraketa, eta hurbileko auzokideen erreklamazioen kopurua ere.
Obraren baldintza-agirian azaldutakoaren arabera, esleipen prozesua hurrengo egunetan egingo da, eta lizitatzaileen artean prezio baxuena eskaintzen duenari emango zaio obra.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
