Areta eta Gardeako kirol azpiegituretara hedatuko dute eskaintza. Horretarako, ordea, galdetegia jarri zuten herritarren eskura zenbait aste, Aretako frontoian eta Gardeako zentro sozialean, hain zuzen. Modu horretan nahi dituzte herritarren interesak ezagutu, eskaintza egokitze aldera.
Finean, urtarriletik martxora, apiriletik ekainera eta urritik abendura bitarteko kirol ikastaroak egin nahi dituzte bertan.
Soinketa, pilates eta aerobika egongo dira aukeran batetik, astean 3 egunetan hiru hilabetez. Eta, bestetik, zumba (astean birritan, hiru hilabetez).
Zumbako prezioa 17.10€ izango da Laudion erroldatutakoentzat, eta 21.40€ gainerakoentzat. Bestelako jarduerek 25.65€ balioko dute herrikoentzat, eta 32.05€ besteentzat.
Urtarrilaren 15era arte izena emateko epea dago
Datorren asteazkenean bukatuko da izena emateko aukera. "Gogoan izan pertsona bakoitzak, printzipioz, ikastaro batean parte har dezakeela. Batean baino gehiagotan izena emanez gero, horiek egiteko lehentasun-hurrenkera adierazi beharko da, eta gehienez ere bi eskaera egin ahal izango dira", adierazi du Udalak, bere aldetik.
"Izena emateko Lamuzako Udal Kiroldegiaren edo Gardeako Kiroldegiaren bitartez egin daiteke, aurrez aurre zein telefono hauetara deituta: 94 403 49 50 (Lamuza) eta 94 672 38 99 (Gardea)".