Thaylor Lubanzadio futbolariak Portugalete taldean jokatuko du

Aitor Aspuru Saez 2020ko urtarrilaren 10a
Deskargatu Info Ahotsak :

Thaylor Lubanzadio Laudion. / Aiaraldea.eus

Thaylor Lubanzadio laudioarrak Club Portugaleten jokatuko du talde bizkaitarraren erasoa indartzeko. Kirolariak etenaldia egin du, 2019an futbolera itzuli baino lehen. Portugaletek Betis taldearen aurka jokatuko du asteburuan, Errege Kopan.

3. mailako Club Portugalete taldeak Thaylor Lubanzadio aurrelaria fitxatu duela jakinarazi du. Laudioko jokalariak zenbait hilabeteko etenaldia bukatutzat eman du erabaki horrekin. Izan ere, 2019ko azken hilabeteetan ez du klubik izan.

Lubanzadiok 25 urte ditu eta ibilbide luzea egin du kirol profesionalean. Celta de Vigoko filialean, Danok Baten, CD Vitorian, Logroñesen, Real Uniónen, Caudal Deportivon, Baskonian eta Coruxon aritu da jadanik. Gainera, Eibar taldeko lehen taldearekin entrenatu du eta Lezaman ere egon da.

Laudioarra hedabidetan agertu zen 2017an, arrazismoaren kontrako jarrera irmoa ez izatea leporatu baitzion epaile bati eta horren ondorioz zigortu baitzuten.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide