Isabel Celaá ministroak eta URAko zuzendariak eskualdeko araztegien obren nondik norakoak azalduko dituzte

Isabel Celaá Laudion egindako hauteskunde ekitaldi batean, 2019an. / Aiaraldea.eus

Hurrengo astelehenean, urtarrilaren 20an, izango da hitzaldia 12:00etan Laudioko Kasinoan. Isabel Celaá Hezkuntza Ministroak, Ernesto Martinez de Cabredo URA Agentziako zuzendariak, Cristina Gonzalez foru diputatuak eta Juanje Merchan zinegotziak hartuko dute parte.

Arabako PSE-EEk hitzaldia antolatu du urtarrilaren 20rako Laudioko Kasinoan. Markixana eta Basaurben eraiki behar diren araztegiak eta obren prozesua izango da ekitaldiaren ardatza.

Juanje Merchan Laudioko zinegotziak aurreratu du aurten hasi behar direla azpiegitura horien lanak. Sozialistek nabarmendu nahi dute eurek askatu dutela korapiloa horretarako: "Nerbioigoiena da uraren behe-hornidura tratatzen ez duen eskualde bakarra eta hori aldatuko da Madrilen egondako Gobernu sozialista bati esker".

Isabel Celaá Hezkuntza eta Lanbide Heziketako Ministroak hartuko du hitza mahai-inguruan, ordezkari arabar gisa Kongresuan.

Ernesto Martinez de Cabredo URA Agentziako zuzendariak azpiegituren kudeaketaren alde teknikoa landuko du eta besteak -Celaá, Cristina Gonzalez arabar diputatua eta Juanje Merchan- eztabaida politikoan zentratuko dira. "Kudeaketa eredu ezberdinak hautatu daitezke", argitu du Merchanek.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide