aiaraldea.eus

Futbolean arbitratzen ikasteko ikastaroa hasiko da Laudion otsailaren 24an

Erabiltzailearen aurpegia Julen Solaun Martinez   Kirola  Laudio

Epaile izateko oinarriak irakasteaz gain, gazteei kirolaren araudiak irakastea izango da kutrsoaren beste helburu nagusia.

Futbolean arbitratzen ikasteko ikastaroa hasiko da Laudion otsailaren 24an
Futbolaren araudia irakatsiko da ikastaroan. / Aiaraldea.eus | Ikusi handiago | Argazki originala

Otsailaren 24an futboleko arbitroa izateko ikastaroa hasiko da Laudion, kategoria nazionaleko eta erregionaleko arbitroen zuzendaritzapean. Klaseak astelehen eta asteazkenetan emango dira Erabilera Anitzeko Aretoan, 19:00etatik 20:15etara, eta azken egunera arte izango da posiblea izena ematea. Antolatzaileetako batek, Edu Iberniak, adierazitakoaren arabera, “doako oinarrizko ikastaroa” izango da, eta “herriko arbitraje harrobia lantzea” izango du helburu.

Irakasleen artean, aipatutako arbitroetatik aparte, erretiratutako beste hiru egongo dira ere, Ibernia tartean. Kurtsoan zehar arautegia birpasatuko da eta hainbat motatako galderak planteatuko zaizkie ikasleei. Amaieran, azterketa bat egingo da, non partaideek klasean emandako puntu teorikoak eta hainbat jokaldi erreal interpretatu beharko dituzten. Dagoeneko, zazpi neska-mutilek eman dute izena, “batzuk haien klubek gomendatuta, eta beste batzuk arbitratzeko nahia dutelako”.

Futbol zelaietan epaileek bizi duten biolentzia eta presioaren inguruan galdetzean, Iberniak “pena” ematen diola adierazi du. Bere aburuz, arbitro guztiek “profesionalen tankerako exijentzia” jasan behar dute, “nahiz eta infantiletako partidu bat izan”. Hortaz, gai horren inguruan “gurasoak eta afizionatuak” orientatu beharko liratekeela uste du, nahiz eta epaileek “gertatu ahal zaiela” argi daukaten.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa