Josu Apraiz, Edu Frutos eta Besaide Astobiza Euskadiko Kros Txapelketako podiumetara igo dira

Josu Apraiz aurtengo lasterketa batean. / Joseba Cascallana (Facebook)

Ortuellan egindako lasterketan, Edu Frutosek hirugarren postua lortu zuen 50 urtetik gorakoen kategorian. Aurreko asteko Euskadiko txapelketa absolutuetan, Besaide Astobiza orozkoarrak bigarren postua lortu zuen ere 23 urtez azpiko mailan.

Josu Apraiz eta Edu Frutos laudioarrek bigarren eta hirugarren postua lortu zuten, hurrenez-hurren, igandean Ortuellan egin zen Master kategoriako Euskadiko kros txapelketan, 40-44 urte bitarteko eta 50 urtetik gorako kategorietan, hurrenez hurren. 

Lasterketa 5,8 kilometroko zirkuitu lehor eta azkarrean egin zuten eta haize bortitza izan zuten etsai partaideek. 

Apraizek, haizea zela medio, “indarrak pixka bat gordetzeko” asmoarekin hasi zuen lasterketa. Beraz, gainontzeko partaideak pixkanaka gainditzea izan zuen helburu azkeneko bueltara arte. Azkenean, bosgarren sailkatu zen klasifikazio orokorrean, eta bigarren bere adineko kategorian.

Frutos, aldiz, nahiz eta lokatzadun zirkuitu motelak nahiago dituela aitortu, pozik agertu da lortutako emaitzarekin, kroseko Euskadiko txapelketetan lortu duen lehen domina baita. Dena den, ez du Jerezen egingo diren Espainiako txapelketetan parte hartzeko asmorik, “urrunegi” baitaude.

Bestalde, aurreko astean lehiatu zen 23 urtez azpiko Euskadiko txapelketan Besaide Astobiza orozkoarra eta bigarren postua lortu zuen. Espainiako txapelketan Euskadiko selekzioarekin parte hartzeko aurkera emango lioke horrek, baina uko egingo du martxoan Huelvan egingo den Europako duatloi txapelketa prestatzeko.

Lasterketa berean Ane Aldaiturriaga laudioarra zazpigarren sailkatu zen eta herri bereko Naia Lasok bosgarren postua lortu zuen gazte kategorian.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide