[IRITZIA] Bidean Topatu(ko) gara

Tristuraz jaso genuen aurreko igandean Topatuko kideek eman ziguten berria, proiektuak 10 urte betetzen dituen honetan ibilbideari amaiera emango diote. Erabaki zaila bezain ausarta izan da, hobetzeko anbizioz hartu dena.

Hausnarketa fase luze bezain sakon baten ostean, proiektuak berak egun gazte mugimenduak dituen behar komunikatiboak asetzen ez dituela ondorioztatu da, oinarriak duela hamar urteetako errealitatearen gainean eraikiak daudelako. Egia da azken urte hauetan lar aldatu direla komunikatzeko forma zein moldeak, eta gazteoi ahotsa emango digun proiektu komunikatibo batek ezinbestean kontuan hartu behar du eraldaketa hori. Horregatik, erabakia heldutasunez, proiektuarekiko errespetuz eta koherentziaz hartu dela uste dut, txalogarria den hausnarketa fase baten ostean.

Badakit itxierak ez direla batere errazak, baina bizitako guztiak bihotzean gorde eta bidean aurrera egiteko unea da. Faltan botako dugu Topaturen mikroa ikusi orduko sabelean sentitzen genuen urduritasun hori, nahiz eta gero kriston ilusioa egiten digun gure buruak bideo zein argazki galerietan ikusteak. Guztion artean egin dugu Topatu, gutariko bakoitzaren txikitasunetik proiektu erraldoi eta koloretsu bat eginez. Plazer bat izan da honen parte izatea, blog xume baten bitartez nire aletxo txikia jarriz.

Beraz, eskerrak ematea besterik ez zaigu falta. Mila esker gazte borrokaren bozgorailu izateagatik, gazte subjektu poliedrikoaren aurpegi bakoitzaren alde egindako apustuagatik eta Euskal Herriko periferiak erdigunean kokatzeagatik. Guk herriz-herri, auzoz-auzo eta ikastetxez-ikastetxe lanean jarraituko dugu, gure proiektuekin aurrera eginez. Espero dugu gutxi barru zuen berri izatea eta bidean elkar topatzea, beso zabalik hartuko zaituztegu.

Zuekin berriz lehertzeko irrikitan gaude, gero arte Topatu!

Artikulu hau Topatu.eus atarian plazaratu da eta Creative Commons lizentzia baliatuta ekarri dugu hona.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide