6 domina ekarri zituen Hajime Klubak Euskal Herriko K-1 light txapelketatik

Igone Serranok, Jon Perezek eta Jagoba Pazosek urrezko dominak eskuratu zituzten eta Jorge Bengoak, Yeray Carrascok eta Andoni Perezek zilarrezkoak.

Atzo lehiatu zen Amorebietan Euskal Herriko K-1 light Txapelketa eta Hajime Klubak hainbat kiderekin parte hartu zuen lehiaketan.

Horien artean, Igone Serranok urrezko domina lortu zuen 60 kilogramo azpiko kategorian. Gauza bera egin zuten Jon Perezek 16 urte gorakoen eta 58 kilogramo azpikoen artean eta Jagoba Pazosek 67 kilogramo azpiko senior kategorian.

Domina gehiago ekarri zituen taldeak herrira. Izan ere, Andoni Perez 2. izan zen 16 urte eta 58 kilogramo azpikoen artean. Yeray Carrasco ere 2. sailkatu zen baina 16 urte gorakoen kategorian, 63 kilogramo azpiko esparruan.

Jorge Bengoak 85 kilogramo azpiko kategorian hartu zuen parte eta 2. izan zen ere. Berez, aurkariak sudurra apurtu zion eta borroka eten zuten.

Asier Arza taldeko entrenatzaileak gaineratu du Bachir Mohamedek ere parte hartu zuela txapelketan, nahiz eta bere kategoriatik kanpo borrokatu behar izan zuen. Horrez gain, Iker Iglesiasek Arza lagundu zuen. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide