128 lagunek hartu dute parte lehenbiziko Elorritxugauez mendi lasterketan

Lokatza nagusi izan bada ere, giro ederra egon da lasterketan. ASASAM elkarteko kideek egindako dortsalak jantzi dituzte korrikalariek.

18:00etan abiatu da Elorritxugauez lasterketa Alberto Acero plazatik. Lehenbiziko urtea izan arren, kirolari ugari elkartu ditu hitzorduak. Antolatzaileen esanetan, 128 lagunek hartu dute parte. Hargatik, balorazio positiboa egin dute.

17:00etan giroa berotzeko Izaskun del Cerrorekin zumba saioa prestatu dute, eta 18:05etik aurrera, kick boxing erakustaldia egon da Ibai Ruizen gidaritzapean. Hala, 21:30 inguruan hasi dute sari banaketa. Amaitzeko, Platon taldearen kontzertua egon da.

Sailkapen nagusian Eztizen Duque, Maider Urtaran eta Izaskun Larrinaga helmugaratu dira lehenbizi. Gizonekoen artean, berriz, Kepa Vallejok, Joseba Urbanok eta Iñaki Isasik osatu dute podiuma. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide