Laudioko enplegu anezkan parte hartu duten zortzi pertsonek enplegua lortu dute dagoeneko “hainbat sektoretako enpresetan”, Arabako Foru Aldundiak ohar batean adierazi duenez. Bost emakume eta hiru gizon izan dira momentura arte lana aurkitu dutenak.
Hamazortzi langabetuk hasi zuten programa urrian, hamabi emakumek eta sei gizonek, enplegua lortzeko helburuarekin. Dena den, taldeak beste hilabete bat jarraituko du oraindik. Pertsona hauek “enpresekiko bitartekarita programa trinko batean” murgilduta egongo dira datorren asteetan zehar.
Partaideak “lanean jarraitzera” animatu ditu Enplegu, Merkataritza eta Turismo Saileko foru diputatuak, Cristina Gonzalezek, eta aurreko urteetan “% 60ko laneratze tasa” lortu dutela gogoratu du Laudiora egindako bisita batean.
Programaren laugarren edizioa da honakoa. Hiru talde jarri dira martxan, Laudiokoa eta beste Gasteizko biak, berrogeita hamazortzi pertsona guztira. Talde bakoitzeko koordinatzaile bat dago eta tresnak eskaintzen dizkie partaideei “gaitasunak hobetzeko, lan merkatua era eraginkorrean aztertzeko eta enpresekin harremanetan jartzeko".