Udalak azaldu duenez, tokiko poliziek uste zuten emakumeak ez zituela jarraitzen alarma egoerak ezarritako neurriak eta horren ondorioz talka izan dute berarekin. Udalak azalpen horiek eman ditu edozein zurrumurru saihesteko, genero indarkeriaren inguruan, adibidez.
Emakumea harremanetan jarri da Aiaraldea Hedabidearekin eta salatu du udaltzain batek eraso egin diola. Gazteak azaldu du eguerdian Batzalarrin kalean zegoelarik patruila berak eskatu diola erretzen ari zen porroa botatzeko eta horrela egin duela berak.
Hala ere, emakumezkoak aitortu duen moduan, kexaka joan da. Neskak berak adierazi du geroago patruila berak eta gazteak topo egin dutela kalean eta udaltzain batek besotik heldu eta lurrera bota duela. Une horretan hasi da oihukatzen eta laguntza eske, zabaldutako bideoan ikusten den moduan. Horren ostean, beste patruila bat heldu da lekura eta emakumezkoak lurrera bota duen poliziaren identifikazioa emateko eskatu die, baina ez diote eman.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
