Laudiok kultura, kirol eta jai diru-laguntzen 2020rako deialdira aurkezteko deia egin die herritarrei eta elkarteei

Erabiltzailearen aurpegia
Kultur, jai eta kirol ekimenetarako diru-laguntzak bideratuko dituzte.

Udalak Alarmako egoera dela eta, koronabirusaren hedapena geldiarazteko izendatu zuten, epe administratiboak etenda mantentzen dituen arren, datozen asteetan diru-laguntzak eskatzeko gonbita egin du.

Laudioko Udalaren jarduera ez da geldiarazi, eta udal arlo guztietan gutxieneko zerbitzuak dituen arren, aurrera jarraitzen da datozen hilabeteei begira ekimenak eta proiektuak diseinatzen eta antolatzen. Horrela, duela zenbait aste ireki zen 2020. urte honetarako kultur, kirol eta jai arloko diru laguntzen deialdian sartu ahal izateko epea. Hala ere, Gobernu zentralak Alarma estatu izendatu duenez, izena emateko epemuga, izaera administratiboko guztiak bezala, Udalak bertan behera utzi du.

Laudioko Udaleko Tokiko Gobernu Batzarrak martxoaren hasieran onartu zuen 2020. urtean kultura-, kirol- eta jai-programak egiteko diru-laguntzen deialdi hau. Jarduera horiek batera finantzatzeko laguntzak diru-laguntza gisa emango dira, eta Diru-laguntzei buruzko Lege Orokorraren mende egongo dira.

Maite Cortazar Herritarrekiko eta Jaiekiko Harremanetarako zinegotziak azaldu duenez, 'Deialdi honen helburua Udalak bere Kultura, Kirol eta Jai Zerbitzuaren bitartez emandako diru laguntzak ematea da, eta diru laguntza horiek Laudion egin beharreko kultur, kirol eta jai jarduera eta egitarauen antolaketa, garapena eta gauzatzea finantzatzeko erabili beharko dira'.

Eskabideak aurkezteko
Eskabideak udal webgunearen egoitza elektronikoan (www.laudio.eus) aurkeztu ahal izango dira eta/edo posta elektronikoz bidali, eskaneatuta, laudio@laudio.eus helbidera. Alarma-egoera amaituta, Udaleko Herritarrentzako Arreta Zerbitzuan (haz) ere aurkeztu ahal izango dira. "Eskabide-orriarekin batera, eskabidea sinatzen duen pertsonaren NANa aurkeztu beharko da, dela bere izenean jarduten duelako, dela elkarte edo erakunde baten ordezkari gisa. Eskaera elkarte edo erakunde baten izenean egiten denean, elkarte edo erakunde eskatzailearen IFZ eta diru-laguntza eskatutako helburua, proiektua edo jarduera gauzatzeko erabiliko dela ezartzen duen zinpeko aitorpena ", zehaztu du zinegotziak.

Laudioko Elkarteen Udal Erregistroan alta emanda ez badago, bertan inskribatzeko eskaera aurkeztu beharko da, eta horrekin batera honako hauek aurkeztu beharko dira: erakundearen estatutuen fotokopia, legez eratuta eta Eusko Jaurlaritzako Elkarteen Erregistroan erregistratuta dagoela egiaztatzen duen agiria, eta IFZ egiaztatzen duen agiria, eskaera elkarte edo erakunde baten izenean egiten denean. Halaber, diru-laguntzaren ordainketa izapidetzeko, pertsona edo erakunde eskatzailearen izenean dagoen banku-kontuaren zenbakia adierazi beharko da.

"Ezohiko egoeran gauden arren, Alarmako egoera dela eta, laudioarrak eta udalerriko elkarteak animatu nahi nituzke, ahal duten guztietan, beren eskaerak aurkez ditzaten datozen asteetan diru-laguntza horiek jasotzeko. Informazio guztia eta oinarri osoak www.laudio.eus webgunean kontsulta daitezke, Diru-laguntzak atalean sartuz, Kultura Arloan, eskabide-eredua ere bertan baitago", amaitu du Maite Cortazarrek.

Edozein zalantza izanez gero, 010 Herritarren Arreta Zerbitzuko telefonoekin jar daitezke harremanetan udalerri barrutik, eta 944 034 800 telefonoekin, beste herri batetik deituz gero.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide