56 urteko Laudioko langile bat hil da Talleres Berasategui Arrigorriagako enpresan. LAB sindikatuak argitu du "istripu ez traumatikoa" egon dela heriotzaren atzean.
Hala ere, sindikatuak aldarrikatu du "presio eta tentsio egoera" dela egungoa langileentzat eta Talleres Berasateguin ez dituztela oraindik aurkeztu prebentzio neurriak Cobvid-19aren zabalpena ekiditeko.
LABek zabaldutako oharrean adierazi du: "erakunde publikoek eta patronalak kapitala langileon bizitzen gainetik jartzea lehenetsi dute".
Mobilizazioak
Bihar greba eguna deitu dute Talleres Berasateguiko langileek eta elkarretaratzea egingo dute 12:00etan frabikako sarreran.
Horrez gain, gaur Aiaraldeako Greba Batzordeak sustatu du 19:05ean jendeak protesta jendetsua egitea balkoi eta leihoetatik.
ELAk aipatu du 56 urteko behargina soldatzailea zela eta 4 metroko altuerako eskailera batean zegoen lanean, hil denean.
Talleres Berasategui enpresak metalgintzako esparruan zentratzen du bere jarduera, galdaragintza astunean, eta 28 langile ditu.
Laudioko Udala
Laudioko Tokiko Erakundeak oharra plazaratu du, adierazpen instituzionala adostu baitute bertan ordezkaritza duten talde politiko guztiek.
Berez, udalak salatu du istripua, doluminak eman dizkie A. S. herritarraren senide eta adiskideei eta bat egin du deitutako mobilizaioekin.
5 langile hilda uztailetik
Eskualdeko 5 langile zendu dira uztailetik beharrean: uztailean Laudioko gazte bat zendu zen Tubacex enpresako Laudioko lantegian, irailean Aceralavan hil zen beste laudioar bat, Aitor Molero laudioarrak otsailaren hasieran istripua izan zuen Galdakaoko GHI Hornos Industriales enpresan eta otsailaren 24an behargin senegaldarra hil zen Zorroza Gestión de Residuosen.
Aiaraldeko Greba Batzordeak jazerolada deitu du arratsaldeko zazpietarako:
???????????????????? ASKI DA! PREKARIETATEA HITZAILEA!*
— Aiaraldeko Greba Batzordea (@AiaraldeaGreba) April 16, 2020
????Laudioko Langile bat hil da, lan instripuan Arrigorrigako Talleres Berasateguin.
????Eskualdean 5 Hildako 10 hilabetetan‼️
????19:00-19:05 ISILUNEA
????19:05-19:15 KAZEROLADA
¡YA VALE OSTIA!#PrekarietateaHiltzailea pic.twitter.com/B5p1Er8QpE
Informazio gehiago jaso ahala eguneratuko da albistea.
