La Milagrosa ikastetxeko DBHko 4. mailako zazpi ikaslek egindako hiru proiektuak saritu ditu La Caixak, eta bi prestakuntza-campusetan parte hartzeko aukeratu dituzte.
Ekintzailetzaren esparruan, lau ikaslek “HeyRuni!” aplikazioa asmatu zuten AGHA duten umeei bideratuta, “motibazioa sustatzea” helburu nagusi izanik.
Aipatutako taldeak bideo bat ere egin zuen, “txorrotako urak maskuriko minbizia eragiten duenaren uste zabal eta arriskutsua gezurtatzen zuena”. Bideoa egiteko, esaterako, hainbat zientzialarirekin bildu ziren ikasleak.
Beste taldeko hiru ikasleek, berriz, txertoak eta autismoa lotzen zituen hainbat albiste gezurtatu dituzte bideo batean, gezurraren sorrera, bilakaera eta ondorioak aztertuta.
Proiektu hauek "Ekintzailetza eta enpresa jardueretako hastapena" irakasgaiaren barruan kokatzen dira. Campus Emprende, “espiritu ekintzailearen garapenean zentratua”, eta Campues BeCritical, “gazteen espiritu kritikoa sustatzea helburu duena” campusetan aurkeztuko dituzte lanak.
Guztira 1.000 proiektu baino gehiago aurkeztu dituzte programarako Estatu espainiarreko 300 zentrok baino gehiagok.