SAN PRUDENTZIO JAIA

Lamuza kaleko 21. eta 35. zenbakien artean jadanik ospatu dute danborrada

Aitor Aspuru Saez 2020ko apirilaren 27a

Lamuza Kaleko 21. eta 35. zenbakien arteko bizilagunek bere kabuz ospatu dute San Prudentzio. Bertako herritarrek azaldu dute hainbat egunez saioak antolatu dituztela eta gaur, umeek egun osoa ez itxaroteko, 12:30ean ekin diote danborradari.

Berriro aterako dira balkoietara gaur, 18:30ean eta, gainerako laudioarrak bezala, 20:05ean. Edonola ere, kale horretako biztanleek argitu dute egunero elkarrekin txalo egiten dutela eta gero auzokideen artean proposatutako abesti zerrenda eskaintzen dutela, soinu tresneria aproposa baitute.

Halaber, eguneko proposamenak ez ezik, finkoak dira "Txoriak txori" eta "Xalbadorren heriotza" ere, azken hori Covid-19aren ondorioz hil diren lagunen omenez.

Abesti zerrenda sortzen duten moduan, San Prudentzio ospatzea adostu zuten. "Hemen sukalde guztietatik ikusten da plaza eta hori baliatzen dugu harremanetan egoteko. Pentsatu genuen ideia ona zela danborrada prestatzea, balkoiak apaintzea eta entseguak antolatzea".

Horrela, giro bikaina eta inklusiboa zabaldu dute plazan, gaur eguerdian bistakoa izan denez. Helduek, haurrek eta Apdemako erabiltzaileek ere balkoiak hartu dituzte danborra jotzeko elkarrekin.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide