Borja Samaniegok Ibercajaren “Erreportariak sarean” lehiaketa irabazi du

Borja Samaniego, artxibo irudi batean. / La Milagrosa

La Milagrosako ikaslea Espainiar Estatu osoko 43 ikastetxeko 219 lanen artean saritu dute.

Borja Samaniego Laudioko La Milagrosako ikasleak Ibercajak antolatutako “Erreportariak sarean” lehiaketa irabazi du, 1.150 euroko sari ekonomikoarekin. Espainiar Estatu osoko 43 ikastetxetako 219 lanen artean hautatu dute. Laugarren mailako ikasleak irabazitako lehiaketa horrek ekonomia eta enpresa arloko gaiak dibulgazio ikuspegitik jorratzea du helburu.

Ikastetxeak ohar batean adierazi duenez, Samaniegok enpresa txiki eta ertainen gaiari erreparatu zion, eta horrelakoak muntatu nahi dituzten pertsonek jarraitu beharreko prozesua azaldu zuen bere lanean, baita estatuan duten egoera ere. "Ikasleak ikuspegi kritikotik aztertu zuen zeintzuk diren enpresa txiki eta ertainen mehatxu nagusiak eta zeintzuk etorkizunerako aukerak”, gehitu dute oharrean.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide