Guardian enpresak ekoizpen ildo guztiak aktibatuko ditu bihar, bai Float zein Auto kateak. Dena den, abiatutako lana erregulatzeko espedientearen ondorioak agerikoak izango dira.
Floaten jarduera apala izango da, aurreko astean bezala, zuzendaritzak aurreikusitakoa baino gehiago, alegia. Enpresak adierazitakoaren arabera, ekainaren erdialdera arte ez dira ekoizpen handiagoarekin hasiko, Ultraclear produktuaren ekoizpenarekin.
Auto ildoan, aldiz, bihar hasiko dira berriro beharrean, eta aurretik funtsezko trebakuntza eskaini die enpresak langileei, osasun eta prebentzio neurriak ezagutzeko, Covid-19 birusa dela eta. Edonola ere, atal horrek %30ean produzituko du, labe bakarrarekin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
