Sare sozialak helburu komertzialekin erabiltzen laguntzeko ikastaroa egingo du Laudioko Udalak

Julen Solaun Martinez 2020ko mai. 23a, 07:00

Merkatari eta ostalariei bideratuta dago ikastaroa. / Aiaraldea.eus

Online egingo da maiatzaren 27ko arratsaldean, eta merkataritzan eta ostalaritzan aritzen direnentzat egongo da bereziki bideratua.

Sare sozialen bidez bezeroak sustatzen, fidelizatzen eta artatzen laguntzeko doako tailerra emango da Google Meet plataformaren bidez maiatzaren 27an 15:00etatik 17:00etara, Laudioko Udalak antolatuta.

Tailerrak merkataritzan eta ostalaritzan aritzen diren langile eta enpresarientzat bideratuta egongo da, ohar batean zehaztu dutenez.

Ikastaroaren beste helburuetako bat sare sozialetan lan egiteko beharrezkoa den denbora kopurua murriztea izango da, baita zeregin bakoitzerako lagungarriak diren tresnak identifikatzen laguntzea ere. Norberaren gaitasunaren eta interesen inguruko profilen aldizkako azterketa egiten erraztuko du kurtsoak.

Oharrean bertan azaldu den arabera, bederatzi ataletan banatuko da ikastaroa: Aplikazioa deskargatzea, telefono finkoko edo mugikorreko zenbakia lortzea, enpresaren profilaren doikuntza egitea, webgunean argitaratzeko zuzeneko esteka lortzea, kokapen mapa egiten ikastea, arreta ordutegia finkatzea, salmentarako produktuen katalogoa sortzea, mezu automatikoak programatzea eta Datuak Babesteko Araudi Orokorra betetzea.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide