Suhiltzaileak, Udaltzaingoa eta Ertzaintza bertaratu dira ezbeharra jaso den tokira. Ospitalera eraman dute zauritua.
Auto batek emakume bat harrapatu du gaur iluntzean Laudioko Zumalakarregi etorbidean, Araba 3638 saihesbidearekin konektatzeko dagoen biribilgunean. 21:20ak aldera jazo da ezbeharra, Ertzaintzak jakinarazi duenez.
Udaltzainak izan dira bertaratzen lehenak, eta trafikoa bideratzeari ekin diote. Suhiltzaileak iritsi dira gero, eta zauritua artatzeari ekin diote. Ondoren iritsi dira Ertzaintza eta larrialdi zerbitzuak, eta ospitalera eraman dute harrapatutako pertsona.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.