Datorren denboraldirako izen ematea ireki du CD Laudiok

Partidu baten artxibo irudi bat.

Dena den, momentuz ez dira kuotak ordainduko. Datorren denboraldia nolakoa izango den zehaztu arte itxarongo dute.

CD Laudion datorren ikasturterako izena emateko epea ireki dute jada, eta ekainaren 15a arte luzatuko da. Ohar batean adierazi dutenez, aurten taldearen webgunean bertan egingo dira inskripzioak, COVID-19ak sortutako osasun krisia dela eta.

Han, formulario bat bete beharko dute jokalari guztiek: pasa den denboraldian taldean jokatu ostean jarraitu nahi dutenek zein jokalari berriek.

Inskripzioa egitea, dena den, doakoa izango da momentuz, datorren denboraldia nola gauzatu ahalko den ez baitakite oraindik. Hortaz, denboraldiaren nondik norakoak jakin arte ez dituzte kuotak zehaztuko. Behin ikasturtea nola izango den jakinda, bazkideen batzarrean erabakiko dira ordaindu beharreko diru-kantitateak, besteak beste.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide