Guardia Zibileko goi arduradun berria salatu zuen Laudion dagoen erakunde militarreko kide batek

Erredakzioa 2020ko mai. 29a, 08:20
Felix Blazquez, lehenengoa eskuinetik hasita, Sansomendin. / Espainiako Barne Ministerioa

Felix Blazquez Guardia Zibileko 3. kargurik garrantzitsuenean kokatu berri dute. Zenbait hedabidek zabaldu dutenez, ofizialak deklaratu egin beharko du erakunde armatuko kide bat jazartzeagatik Laudion.

Hainbat hedabidek plazaratu dutenez, Felix Blazquez Ikertzen ari da Guardia Zibileko Brigada Generala, Madrileko epaitegi militar batean.

Ofizialari leporatzen diotena da Laudioko kuarteleko beste militar baten kontrako hainbat zigor espediente bideratzea 2017an eta 2018an. Berarekin batera Arabako Komandantziako beste 5 arduradunek deklaratu beharko dute, Guardia Zibil elkarte batek lan jazarpenaleporatu baitie.

Gertakari horiek ustez gertatu zirenean, Felix Blazquez 11.  zonaldeko arduraduna zen, eta banaketa horrek EAE hartzen du barruan. Blazquezek hainbat ardura izan ditu Guardia Zibilean, GAR unitateetan bereziki, Barne Ministerioak jakinarazi duenez.

Fernando Grande-Marlaska Barne Ministroak Felix Blazquez izendatu berri du Guardia Zibileko goi arduradun berria, eta institutu armatuan 3. kargurik garrantzitsuena izango du, Diego Perez De los Cobosi postu horretatik kendu eta gero.

Gaur bertan Berria Egunkariak argitaratu du artikulua De los Cobosi buruz. Izan ere, Pello Alcantarillak salatu du Guardia Zibilak Tres Cantosen torturatu zuenean ETArekin loturak izatea leporatuta, Diego De los Cobos bertan zegoela begira.

Politika Laudio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide