Gure Esku Dagok herriko plaza beteko du jendearen aldarrikapenekin
Aitor Aspuru Saez
2020ko eka. 5a, 07:30
Laudioko Gure Esku Dagok deialdia zabaldu du, parte hartzerako ekimena egingo baitu igandean herriko plazan.
Laudioko Gure Esku Dago plataformak ekimena deitu du iganderako, eta herritarrei eskatu die parte hartzeko.
Zehazki, ekainaren 7an 11:00etatik 13:00ak bitartean herriko plaza bete nahi dute herritarren aldarrikapenekin. "Norberak bere leloa idatzi behar du kartoi batean, plazara bertaratu eta han utzi", adierazi diote Aiaraldea komunikabideari.
Gure Esku Dagok azaldu duenez, prebentzio neurri guztiak beteko dituzte parte-hartzaileen osasuna bermatzeko.
Horrez gain, plataformak jakinarazi du ekimenaren ostean sinadura bilketa abiatuko dutela "Hamaika Gara" lemapean, erreferenduma egitea eskatzeko.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
