LAB sindikatuak ez du sinatu Laudioko Udaleko lan hitzarmena

Laudioko udal langileen mobilizazio baten irudia. / Aiaraldea.eus

Sindikatuak oharra zabaldu du eta eskatu dio ELA sindikatuari langile batzarra deitzea azaltzeko zergatik sinatu duen hitzarmena.

Laudioko Udaleko LAB sindikatuaren atalak oharra zabaldu du gaur jakinarazteko ez duela sinatu tokiko erakundeko lan hitzarmena. Gainera, ELAri  exijitu dio langile batzarra deitzea bere erabakia azaltzeko, antolakundeak bat egin baitu dokumentuarekin.

LABek argitu du ez duela bere sinadura jarri dokumentuan hiru arrazoiren ondorioz:

  • Aparteko orduak ordaintzeari bidea zabaldu zaio, eta horrek kontratazio berriakegiteko aukera murriztuko du.
  • Kontratazio berrietan soldata-eskala bikoitza ezarriko da.
  • 2020-2023 epealdian soldata Espainiar Gobernuak agintzen duenaren menpean geratuko da, negoziatzeko ahalmena alde batera utzita.

Langile erakundeak adierazi du duela hiru aste hasi zirela negoziazioak sindikatuen eta udal gobernuaren artean eta hirugarren bileran iragarri zuela ELAk babesa emango ziola proposamenari.

LABek nabarmendu du langile batzarra deitu eta bere oniritzia jaso gabe egin dela dena.

ELA sindikatuak aipatu dio Aiaraldea Hedabideari langileei bidaliko diela oharra bere jarrera azaltzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide