Kultura sektorea gogor kolpatu du COVID-19 birusak eragindako pandemiak. Baita tokiko eragileak ere. Laudioko Musika Bandak bere jarduna etenda du martxoaz geroztik: "Musika sektorea krisi honetan gehien inplikatu denetako bat izan da, eta gutako asko izango gara gure jarduerara itzultzen azkenak. Toki batzuetan Administrazioek laguntzak eskaini dituzte musika sektorea abiatzeko, baina Laudion oztopoak baino ez ditugu izan".
Hala adierazi du Pedro Ignacio Adrián Gonzalez taldeko zuzendariak: "San Roke Musika Bandan 0 fasean jarraitzen dugu". Horren adibidetzat jarri ditu entseguetarako lokal eza, "ondorioz, ezin ditugu kontzertu edo kalejirak prestatu".
Ildo beretik, dokumentazio edo artxiboetarako sarbide gabe geratu dira, "soinu tresnak hartu ezinik eta klaseak jasotzeko aukera barik".
Dena den, kezkagarriena ezjakintasuna zaio: "Ez dakigu noiz itzuliko garen, ez eta zein ekintza egongo diren. Finean, etorkizuna ziurtasunik gabekoa da".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
