Pertsona bat epaituko dute Laudioko EH Bilduko kideei heriotza mehatxuak egiteagatik

Txabi Alvarado Bañares 2020ko ekainaren 15a
Deskargatu Info Ahotsak :

Laudioko EH Bilduko aurreko legealdiko hautetsiak, artxibo irudi batean. / Aiaraldea.eus

Asteazken honetan izango da epaiketa Amurrion. 

Laudioko EH Bilduk jakinarazi du pertsona bat epaituko dutela asteazken honetan Amurrioko epaitegian, talde politikoko hautetsi batzuei mehatxu larriak egiteagatik, “heriotza mehatxuak tartean”. Goizeko bederatzietan izango da epaiketa. 

Hala azaldu dute EH Bilduko kideek: “2019ko otsailean, EH Bilduko zenbait hautetsik mehatxu larriak pairatu zituzten sare sozialetan, tartean heriotza mehatxuak. Hautetsiek, egoeraren larritasuna ikusita, salaketa jarri zuten. Mehatxu horien erantzulea identifikatua izan zen”. 

Gauzak hala, talde politikotik elkartasun eta babesa helarazi nahi izan dizkiete mehatxuak bizi izan dituzten kideei. 

Politika Laudio
Erlazionatuak
Prentsa oharra, osorik

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide