Laudioko Udalak prentsa oharrean azaldu duenez, "garbiketa baldintza ezin hobeetan eduki ahalko dituzte bizikletak hemendik aurrera" herritarrek. Joseba Amondo kirol zinegotziaren esanetan, instalazioak eguneratzen eta zerbitzu publiko berriak ezartzen dihardute. "Horrela, bizikletak garbitzeko gune esklusibo eta egokitua izango du udalerriak".
Zumalakarregi hasieran, Gurutze Gorriaren biribilgunearen ondoan kokatu dute gunea. Aste honetan hasi dituzte azpiegitura atontzeko obrak, baina aurki bukatuko dira
Zumalakarregi hasieran, Gurutze Gorriaren biribilgunearen ondoan kokatu dute gunea. Aste honetan hasi dituzte azpiegitura atontzeko obrak, baina aurki bukatuko dira.
"Oso instalazio sinplea baina praktikoa da, hormigoizko horma txiki batez osatua, non mahuka batzuk bermatzen diren bizikletak urez garbitzeko, udalerriko landa-bideetan pilatutako hautsaren edo lokatzaren ondorioz zikintzen direnean", erantsi du zinegotziak. Auzotarren eskaera izan da, argitu duenez, eta udal brigada arduratuko da egokitzapenaz. "Udalerriko txirrindularitza zaleek behin baino gehiagotan eskatu digute udal zerbitzu berri hau sartzeko, nahiz eta erraza izan zerbitzu handia ematen baitu. Orain zerbitzuaren erabilera ona eta herritarren zaintza eskatzea besterik ez da geratzen".