Laudioko Deabruak, udari su emateko prest

San Joan Astobitzako baselizaren alboko zelaietan dabiltza taldeko kideak egunotan, ikuskizuna prestatu eta grabatzen. / Aitor Aspuru Saez

San Joan Astobitzako jaietan egin nahi zuten Laudioko Deabruak su-antzerki taldeko kideek euren lehen ekitaldi publikoa: Sutan murgilduta ikuskizuna. Baina koronabirusaren krisiak ekimena birpentsatzera bultzatu ditu. 

urten ezingo dira udako solstizioa ospatzeko egin ohi diren jarduerak antolatu. Gauzak hala, euren aurkezpena birmoldatu behar izan dute Laudioko Deabruak taldeko kideek. Urtarrilean hitz egin zuten San Joan Astobitzako jai batzordearekin, eta jaietan ikuskizun bat egitea proposatu zieten, “taldea ezagutzera emateko”. Baina festa bertan behera geratu denez, beste ekimen bat egingo dute taldeko kideek euren burua aurkezteko. 

Ikuskizun baten bideoa sareratuko dute euren sare sozialetan ekainaren 23an (asteartea), gaueko hamarretan. Sutan murgilduta izango da emanaldiaren izena, eta egunotan grabatzen ari dira, San Joan Astobitzako baselizaren alboko zelaian. 

Aurreratu dutenez, jaietarako pentsatua zeukaten ikuskizun bera izango da, baina “formatu txikian” plazaratuta, “minutu gutxiko bideo batean laburbilduta”. Lehen ekitaldia orain egingo duten arren, hilabete ugari igaro dira Laudioko Deabruak taldea sortu zenetik. Herriko gazte batzuen artean jarri dute abian egitasmoa. “Txikitatik asko gustatu izan zaigu antzerkia, eta baita correfoc-ekin edota pirotekniarekin zerikusia daukaten gauzak”, azaldu dute. 

Gauzak hala, “su-antzerki talde” gisa definitu dute euren burua. Nabarmendu dutenez, eurena kontatuta, mota horretako lau talde baino ez daude Euskal Herrian. Hala ere, nabarmendu dute euren jarduna antzerkiari lotuagoa egongo dela suari baino. “Ikuskizunak antolatu nahi ditugu, kalejirak alaitzeko eta umeekin ondo pasatzeko”. 

Ikuskizun gehiago

Etorkizunera begira ikuskizun gehiago antolatzeko asmoa dute Laudioko Deabruek.Aurreratu dutenez, eskualdean zein eskualdetik kanpo aritu nahi dute, koronabirusak uzten dien heinean betiere. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide