Udako egitaraua osatzeari ekin dio Laudioko Gazte Asanbladak

Txabi Alvarado Bañares 2020ko eka. 22a, 11:00
Zinema proiekzioak egingo dituzte, besteak beste. / Laudioko Gazte Asanblada

Kirol eta zinema eskaintza osatu dute, baina egitaraua ez dago oraindik itxita, igandero egiten dituzten asanbladetan garatzen jarraituko baitute. 

Hainbat ekintza egingo ditu Laudioko Gazte Asanbladak udan. “Gazte sektoreen ezberdinentzako aisialdi eta sozializazioa esparru propioak” sortzea izango da jardueren xedea, asanbladako kideek zehaztu dutenez. Euren ustez, “alternatiba eta eskaintza gutxi” egongo dira uda honetan gazteentzat. Horregatik erabaki dute egitarau propioa osatzea. 

Zinema emanaldiekin eta kirol jarduerekin osatu dute egitaraua, “egoera honetan aurrera eramateko ekimen aproposak” direla iritzita. “Baina gure asmoa da ekintzetara hurbiltzen diren gazteekin batera bestelako aisialdi ekimenak antolatzen jarraitzea edota herriko jaiei buelta pare bat ematea ere”, aurreratu dute asanbladako kideek. Gauzak hala, orain plazaratu duten egitaraua itxita ez dagoela nabarmendu dute, igandero 18:00etan egiten dituzten bilkuretan prestatzeko asmoa baitute. 

Kultura Laudio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide