Atzo 20:30ak aldera Ertzaintzaren patruila batek furgoneta bat gelditu zuen kalean. Printzipioz, poliziek ibilgailu barneko bi lagunek musukorik ez zutelako geratu zituzten. Ertzaintzak prentsa oharrean jaso duenez, horrez gain, gidaria ez zen ari segurtasun gerrikoa erabiltzen.
Poliziaren hitzetan bi gizonezkoek jarrera urduria erakutsi zuten eta, ondorioz, ertzainek ibilgailua arakatzea erabaki zuten . Aurreko eserlekuen artean pote bat topatu zuten, eta haren barruan 100 gramo anfetamina -speed-, poliziaren arabera.
Hori dela medio, gidaria atxilotu zuten, eta droga trafikoa leporatu zioten. Gainera, berarekin zihoan pertsonari gramo erdi kokaina antzeman zioten, eta Segurtasun Legea baliatuta ekinbideak abiatu zituzten.
Atxilotutako 30 urteko gizonezkoa epaitegira eramango dute ikerketa bukatu ondoren.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
