Esklerosi anizkoitzaren kontrako eguna uztailaren 12an izango bada ere, uztailaren 18an, larunbatean, aterako dute kalera "Busti zaitez!" ekimena, gaixotasun horren aurkako bitartekoak lortu ahal izateko.
Printzipioz, aurreko edizioetan eskaintza zabalagoa egin badute ere -umeentzako jokoak edo pintxoak- aurtengo ospakizuna gehiago mugatuko dute, COVID-19 birusa dela medio.
Horrela, mahaia prestatuko dute Batzalarrin kalean -eguraldiak ahalbidetuz gero- eta elkartasuna materialak salduko dituzte, kamisetak, esaterako. Prebentzio eta segurtasun neurriak zorrotzak izango dira eta, adibidez, mahaian dauden boluntarioek eta laguntzaileek besterik ez dituzte ukituko salgai dauden produktuak, kontaktua murrizteko.
Horrez gain, gel hidroalkoholikoa izango dute eskuragarri eta ordainketak datafonoaren bidez egingo dira.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
