Faktoria arrastiak ekimena modu arrakastatsuan atera zen kalera atzo Igor Arzuagarekin

Igor Arzuaga artista izan zen Faktoria Arrastiak ekimenaren lehen gonbidatua Abasto plazan eta jendetza erakarri zuen.

Aiaraldea Ekintzen Faktoriak mugarri berria jarri zuen atzo bere ibilbidean eta jakin-minez zein ikuslez bete zuen Laudioko Abasto plaza 20:30etatik aurrera. Igor Arzuagak bere kide Juliorekin hartu zuen oholtza eta jende ugariren aurrean jo zuen.

Aiaraldea Ekintzen Faktoriako Ekonomatuak eraman du Laudioko herrigunera Faktoria Arrastiak ekimena eta eskualdeko jende pilo batu zen emanaldira. Askok garagardo eta afaria ekologikoak dastatzeko asmoz bete zituzten mahaiak, eta beste batzuk minutu batzuk agertu ziren kuxkuxeatzera, plaza jendez gainezka zergatik zegoen jakiteko -prebentzio eta segurtasun neurriekin beti ere-.

Arzuagak ordubeteko kontzertua eskaini zuen hainbat diskoetako kantak uztartuta eta giro goxoa sortu zuen, eguraldiak zein publikoak lagunduta. Aiaraldea hedabideak zuzenean emititu zuen emanaldia: 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide