Eskorga batean piztutako sua itzali zuten atzo arratsaldean suhiltzaileek

Aitor Aspuru Saez 2020ko uztailaren 8a
Deskargatu Info Ahotsak :

Eskorgaren irudia. / Arabako Foru Suhiltzaileak

Maderas de Llodio enpresan izan zen sutea, 18:30ak aldera.

Laudioko Suhiltzaileek Maderas de Llodio enpresan esku hartu zuten atzo, eskorga batek sua hartu baitzuen. Larrialdi zerbitzuko arduradun batek azaldu du 18:30ean jaso zutela deia eta 5 minututan bertaratu zirela.

Antza, langile batek argitu zien makina asko berotu zela eta, bat-batean, sutea sortu zela. Erregaia zabaltzen hasi zenez, aparra erabili zuten. Izan ere, olio biltegia dago gertu.

"Edonola ere, makinan zegoen sua itzali genuen eta biltegiak ez zuen kalterik izan. Zorionez, enpresaren kanpoko aldean gertatu zen dena", adierazi du esku hartzearen arduradunak.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide