Ekainaren 30an jakinarazi zuen Amurrioko Epaitegiak errudun jo duela Ibon Aiz, Laudioko EH Bilduko Udal Gobernu Taldeko kideak mehatxatzeagatik 2019ko otsailaren 19an eta 20an.
Epaileak berretsi du zigortuak mezuak bidali zizkiela koalizioko ordezkariei. Horien eduki batzuk hurrengoak izan ziren: “se levanta el telón y todo el Pueblo vamos a por tí, a por toda tu puta familia bastarda”, “No vais a acabar vivos la legislatura. Vamos a por vosotros, bastardos” eta “Soga y camarote. Kanpora ya”.
Antza, zigortuak berak onartu zuen hori egin izana eta epaileak uste du arrazoi ideologikoengatik Zigor Kodearen 20.4 artikulua aplikagarria dela.
EAJren jarrera salatu du EH Bilduk
Epaiaren emaitza zabaltzeaz gain, EH Bilduk kritikatu du EAJren jarrera gertatutakoaren aurrean: "EH Bilduk salatu egin du alkatearen eta bere alderdiaren babes eza. Egoera larri honek agerian utzi du jeltzaleen neurtzeko makila bikoitza. Ander Añibarrok eta bere alderdiak, EAJ, isiltasuna baliatu izan dute udalbatzako kide izan zirenek egindako salaketei erantzuteko, eta hori guztia, mehatxuen egileari eta honen inguruari kalterik ez eragiteko, noski.
Azkenik, EH Bildu Laudiok berretsi egin du mehatxatutako kargu publikoekiko babesa eta hurbiltasuna, eta dei egin du epai hau eragin duten gertakariak berriro gerta ez daitezen".