Hodei Oleagak Athletic Cluba uztea adostu du

Aitor Aspuru Saez 2020ko uztailaren 31
Deskargatu Info Ahotsak :

Athletic Clubak atzo egin zuen publiko jokalari laudioarrak erakundea utziko duela. Bukatu berri den denboraldian Melillan jokatu zuen eta gero Obaiganeko klubera itzuli zen.

Athletic Clubak atzo jakinarazi zuen akordioa lortu duela Hodei Oleagarekin, eta atezain laudioarrak erakundearekin zuen kontratua bertan behera utzi du, 2022an amaitzen baitzen.

Oleaga Athletic Clubeko harrobira heldu zen 2012an, eta bukatutako denboraldia Melillan eman du; 2. B mailan. Partida guztiak jokatu ostean, Lezamara itzuli zen.

Izan ere, Melillak ez zituen igoera Play Offak jokatu,  eta Athletic Cluba oraindik lehiatu behar zen norgehiagoka batzuetan denboraldia amaitzeko.

Oleagak 21 urte ditu, baina ibilbide oparoa ari da egiten futbolean. Oraindik, hilabeteak ditu aurretik talde berri batekin kontratua sinatzeko.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide