Herritarrei San Roke Jaien datetan zuhurtasuna eskatzeko bideoa zabaldu du Laudioko Udalak

Gaur goizean aurkeztu du Laudioko Udalak bideoa, herritarrek prebentzio neurri guztiak aintzat har ditzaten eta barneratu dezaten garrantzitsua dela aurten jairik ez ospatzea.

Laudioko Udalak prentsaurrekoa eskaini du gaur goizean bideoa aurkezteko. Ikus-entzunezko horretan hainbat herritarrek parte hartu dute, jendeak zuhurtasunez jokatu dezan San Roke datetan.

Izan ere, Udal Gobernu Taldeak azaldu du mingarria izan zela jaiak bertan behera uztea: "baina etorkizunean jaiak egon daitezen, aurten ezin dira ospatu".

Bideoa jaietako lantaldeko ideia izan da eta Laudioko Udalak azkenaldian zabaldu dituen mezuekin bat dator. Sare sozialetan erakutsi ez ezik, ostiraletako zinema emankizunetan ere proiektatuko dute.

Udalaren ustez, "bideoak sanrokeen izaera islatzen du, baita laudioartasuna ere". Horretarako, herriko sektore anitzeko herritarrak agertzen dira, ahalik eta jende gehien konturatu dadin COVID-19 birusaren zabalpena ekidin behar dela.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide