10 urte nituenetik hona hainbat musika genero gustuko izan ditut, horien barruan garrantzitsuenak rock&rolla, technoa eta elektronika izan dira. Horien artean hainbat abesti izan dira etapa bat markatu dutenak nire bizitzan.
1. Martin Garrix - Animals
Abesti honek etapa berri bat markatu zuen elektronika zaharretik elektronika berrira salto egiteko. Lehen aldiz entzun nuenean ileak tente jarri zitzaizkidan. Horregatik, abesti honek lehenengo postua dauka, bi etapa ezberdin elkartu zituelako.
2. Falling in Reverse - Popular Monster
Abesti honek bi genero musikal ezberdin elkartzen ditu, rapa eta rocka. Nire lagun batek erakutsi zidan. Bi generoen arteko fusio bikaina egiten dute eta horregatik abesti garrantzitsuenetariko bat da niretzat.
3. Alison Wonderland - I Want U
Alison Wonderland nire DJ gustukoena da, duela 4-5 urte bere lehen abestia entzun nuen eta beste mundu batekin egin nuen topo. Alison Wonderland trap generoaren aitzindarietako bat da.
4. Timmy Trumpet - The King
DJ honek hainbat abesti klasikoen remixak egiten ditu, haietako bat The King deitzen da, Vitas abeslariarekin egina. 2002an atera zuen 7th element izeneko abestia, mundu osoan famatua egin zena eta pasa den urtean abesti horren remixa atera zuten biek batera.
5. Fisher - Losing It
Abesti hau mundu osoan da ospetsua. Beti pasatzen den bezala, pertsona bati galdetzen badiozu abesti honetaz ez du jakingo zein den, baina abestia entzuten badute jakingo dute zein den. “Boom” bat izan zen, denbora gutxian fama harrigarria eduki zuelako.