Anbulatorio aurrean obrak abiatu ditu Laudioko Udalak aste honetan. Lan horien helburua bide bat eraikitzea da. "Orain arte anbulantziak espaloian aparkatu behar ziren eta herritarrek errepidean bertan gelditu behar zituzten euren autoak gaixoak utzi edo jasotzeko. Bidearen helburua da jendeak erabiltzea, trafikoan edo oinezkoen ibilbidean eragozpenik sortu gabe", azaldu du Joseba Amondo alkateaordeak.
Azpiegitura berriak Zumalakarregi etorbidea eta errotonda lotuko ditu. Arabako Foru Aldundiaren diru-laguntza jaso du obra txikien esparruan eta, ondorioz, 35.000 euro baino gutxiagoko gastua eragingo dio tokiko erakundeari.
Amondok erantsi du Osakidetzak bide berria baliatu dezakeela etorkizunean inguru horretan COVID-19ko larrialdien aurrean PCR probak egiteko edo "gune zikina" ezartzeko. Hala ere, Amondok gehitu du hori osasun sistema publikoaren eskumena dela: "Gu bidea egitera mugatuko gara eta irailaren 15ean amaitzea espero dugu".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
