Koronabirusak eragindako pandemiaren ondorioz, aurten ez da Laudioko Nazioarteko Ziklokros Txapelketarik jokatuko. Azaroaren 7an zen zita Ellakuriko kirol azpiegituretan. Alabaina, atzo zabaldu zuen elkarteak sare sozialetan ofizialki erabakia: "Bertan behera utzi dugu ofizialki 2020ko Laudioko Nazioarteko Ziklokros proba".
Osasun egoerak behartu ditu hautua egitera, aitortu dutenez: "mingarria bezain beharrezkoa izan da erabakia". Dena den, 2021. urteko txapelketari begira jarri dira dagoeneko: "Hurrengo urteko edizioan zentratuko gara, 2021ean gogo eta indar gehiagorekin itzultzeko, ahal bada".
Bien bitartean eskerrak eman dizkiete antolakuntzan murgildutako eragile guztiei: instituzioei, babesleei eta boluntarioei.
Urduñako proba ere bertan behera
Urduñako Ziklokros Txapelketa ere bertan behera geratu da, Bizkaiko Federazioak sare sozialetan aipatu duenez. Ondorioz, eskualdean aurten ez da mota honetako norgehiagokarik egongo aurten.
Pandemiak, ordea, ez du txirrindularitzaren praktika eragotzi. Horren adibide da Laudioar Txirrindulari Elkarteak eginiko irteerak. Abuztuaren 1ean, esaterako, Orduntera joan ziren taldean: